أهلاً أهلاً
العيد هذي السنة مُختلف وبإختلافه حبيت أجرب شي جديد وفكرة جديدة ..
المراسلة البريدية دائماً تلفتني ونفسي أجربها وحسيت هذا الوقت المناسب ,..
طبعاً عارفين أوضاع الحضر وكيف الأماكن محدودة والخيارات قليله بس حاولت أرتب بالموجود
ورحت جرير جبت الأشياء المهمة زي الظروف والختم والشمع حتى الختم كان جداا صغنون بس مشي الحال كفى ع العدد :)
قبل العيد بكم يوم شفت فكرة توزيعات على شكل كاسيت وعليها تسجيل صوتي
لو تشوفو كيف متتتت عندها ..
طبعاً الوقت أبداً مايساعد اني اطلب وأغلب المتاجر برا جده
فكرت أحاكي الفكره وسويت عملية بحث الين عرفت كيف أسويها ...
أول شي ححكيكم ع الفكرة الأساسية للبريد ..
لمحاكاة الماضي حبيت أضيف فكرة كاسيت وأسجل فيه بس خليتها بطريقة حديثة .. لعدم توفر المسجل والكاسيت ..
هنا رابط شكل الكاسيت للطباعة ..💗
طبعاً ماخليت الكاسيت بس مجرد شكل لا أضفت عليه باركود يودي لرابط تسجيل ع اليوتيوب ..
سجلت مقطع صوت ع الآي موفي كـ فيديو ورفعته ع اليوتيوب كمحتوى مخفي فقط اللي عنده الرابط يقدر يفتحه
ورفعت الرابط لمحول الروابط لباركود " أخذت صورة الباركود وأضفتها لصورة الكاسيت قبل الطباعة بالفوتوشوب ..
طبعا قبل أطبع الكاسيت أضفت صورة الباركود على التصميم بالفوتوشوب ..
.............................
الكاسيت بعد تركيبه يصير علبه أضفت فيها شوكليت وداخل الظرف رسالة و قهوة وماسك ..
الهدية معنوية جدددا ..
....................
هنا طبعت طوابع بريدية وقصيتها بالمقص المشرشر لزيادة تفاصيل ..
الطوابع البريدية ( طوابع بريدية قديمة )< ابحثو كذا باسم دولتك بتطلع أشكال
وفجأة جات فكرة حرق الأوراق سويت تلوث للجو 😊 بس أهم شي الفكرة تزبط .
طبعاً أفتكرت رسايلنا زمان وابداعاتنا كان قمة الفن حرق الورق
كراكيب جميلة ( صرت استمتع بشكل المكتب بعد عمل يمكن احس بشعور الانجاز مدري )
للتغليف استخدمت الأظرف الجاهزة ..
لفيتها بخيط من الخيش
وزينتها بأشياء تعنيلي وحواليني ..
ورق شجر ، لافندر أي شي تحبو وتبغوه كذكرى
والشمع عادي استخدمت ملعقة ايسكريم ماعندي الخاصة بالشمع << ماخربتها :)
وهنا شكل الأظرف استمتعو :)
تجربة جميلة وحكررها كثييير
حطلب شمع وطوابع بريدية جاهزة
لأي تغليف في الأوقات الجاية
شكراً لوقتك ..
جميييله التفاصيل واكثر شي عجبني الستيكرات البريديه حسيت كانو حقيقي حتوديه البريد ..حقيقي الشي اللي يطلع من القلب يوصل للقلب
ردحذف