غسالة الصحون و طريقة تنظيفها والعناية فيها ..، 🍃

أهلاً 

السلام عليكم ورحمة الله وبركاته ..🍃

موضوع غسالة الصحون معرف ليش دائم أشوف تردد في الناس مع انها في كل مكان وأتوقع كثير تكلمو عنها ..،

أنا رأيي ما أقدر أقول غير انها مهمة نفس أهمية المكنسة و غسالة الملابس 👌🏿

اللي تقدر تشتريها أبداً لاتتردد ، الى الآن استغرب من اللي كانو يحذروني وللأسف ماكانو مجربينها ..

تقلل جهد كبيير في تنظيف المطبخ وماصرت أشيل هم مواعين الطبخ الحمدلله  .. (( بس لو يزيدو خاصية ان الصحون تترتب في الدواليب 😁 )) 

 تركيبها أفضل قبل تفصيل المطبخ علشان الاسلاك والتصريف يكون مرتب ورا الغسالة ، 

اما اذا بعدين قررتي فممكن  تفضيلها مكان جنب المغسله أو أي مكان مناسب ..

معلومة خاطئة كانت منتشره واتوقع الى الآن موضوع انك حتتعبي ولازم تنظفي الصحن بعدين تدخليه الغساله لاأبدااً ، 

أهم شي مايكون في أي بواقي زي الرز وغيرها لكن الكاتشب والزيوت والاشياء السائلة عادي لاتشيليها ✋🏿

المنتجات اللي استخدمها غالباً فانيش هو المتوفر وكويس ومن بعد ماشفت الصابون البودر هذا مررره كويس و موفرالجالون , تقريباً ب ٣٠ ريال أفضل من سعر المكعبات 💃🏼

الممنوعات  :

• الخشب 💔
• الحديد يتغير لونه هنا تجربة لصينية  (( اليسار انعدمت من الغسالة )) 
• والقطع اللي فيها تذهيب مع ان البعض جربت وماصار عليها شي لكن انتبهو ✋🏿

أنا صار اختياري للمواعين أغلبها أقرأ اذا عادي تدخل أو لا

 (( تكون في علامة خلف المنتج )) 

المشاكل  الواردة مع الغسالة والحلول : 

• الريحة : لازم كل شهر أنظف الغسالة تماماً أطلع القطع واغسلها أهم شي الصفايا دائم نشيل منها البقايا    (( اغسل الغسالة باسفنجة و نقطة فيري من كل جهه وامسحها بفوطة بالذات الأطراف الخارجية )) 

لتعقيم الغسالة و ازالة الرائحة ..

 نص كاسة خل واشغل الغسالة وضعية رش الموية 

وبعدها أرش بيكنج صودا في كل مكان واشغلها ثاني ✨ 

(( كذا أضمن مافي أي ريحة ولا ريحة الخل وترجع الغسالة عروسة😅💃🏼 ))

• النقط البيضا أو الترسبات ع القزاز بعد الغسيل : لازم تشيكي على الملح و الملمع ✨

• الكهربا والالتماس : لازم تتأكدي من السلك الأرضي ..

وأهم شي ترتيب الصحون وكل شي مرتب وتتأكدي أن الموية توصل كل مكان علشان يطلع كل شي نظيف ✨

أنواع الغسالات ماعندي خبرة فيها بس أهم شي يكون لها ضمان وصيانتها وقطع الغيار متوفرة في منطقتكم 👌🏿

البرامج واستخداماتها كلها تجي في الكاتالوج كل نوع وله طرق استخدام 

 عندي ارستون ٦ أنظمة وأكثر شي أستخدمه ٣ أنظمة : 

التشغيل السريع : اللي يغسل في نصف ساعة مافيها خاصية التجفيف تكون المواعين مبللة  ..

التشغيل العميق : خلال ساعتين تطلع الصحون جافة تماماً ..

نظام رش الماء  : هذي الخاصية حلوة لما تحطي مواعين ولسا ماتبغي تشغلي الغسالة وتخليها تجمعي مواعين زيادة علشان تشيل الاوساخ وماتلصق ويصعب ازالتها .. 

دمتم بخير 🍃

INSTAGRAM